البنــات البنـــات البنــات, ألطــف الكـائنات بردو

بسـم الله الرحمن الرحيـم

*******************





* البنـات سـبب المصايب إللى فيها الشـباب دلوقتى

* البنـات دول عبـارة عن ذنـوب .. لو قربت من واحـدة منهم هتاخد أكبر ذنوب فى حيـاتك

* البنـات أتـفه خـلق الله

* البنـات بوظوا أخـلاق الشـباب

* البنـات دول زى طـابع البوسطـة : كل ماتتف عليه يـلزق أكـتر ( ! )

* البنت من دول لو إدلقت عليهـا تسوق فيها وتعيـش الدور عليـك



البنـات البنـات البنـات ..

إيه يا جماعة فى إيه .. هى البنات بقت خـلاص عالة على المجتمع كـدة للدرجة دى ؟؟

مالهم البنات يعنى ... ما كل حاجة فى الدنيا فيها الكويس وفيها الوحش

فيها المحترم وفيها إللى أخـلاقه زفــت

إن كنـا هنكلم على أخـلاق البنـات . فا الشباب آخر ناس يتكلموا !!

كل شـاب يتجرح من قصـة حـب يطلع العيـب فى إن البنات ملهـاش أمـان

البنـات كـدابين ... البنـات ملهومش فى الحـب والإخلاص

دول ميستاهلوش غير راجل يغديهم علقة ويعيشهم علقة كل يوم

طيـب إنت ولا إنت لما تقول كـلام زى دة تقدر تعيش من غير وجود بنت أو ست فى حيـاتك تحبها وتخلف منها عيال


* إيه ذنـب البنات لما حال الشباب يبقا واقف فى الشغل وفى الجواز

البنات هى إللى بتمنع الشغل؟؟

البنـات هى إللى بتقول مش عاوزة أتـجوز؟؟

ذنـب البنات إيه لما تتفرج إنت وهو على كليبات وأفـلام وحاجات من دى

هو خلاص غرايزك إللى بتتحكم فى شخصيـتك مافيش عقل نميز بيه للدرجة دى

مافيش حاجة إسمها " ألا بذكـر الله تطمئن القلوب"

ولا خـلاص كل بلاوينا نرميها على البنات , ولبسهم وإللى بيعملوه فى وشـهم

وقصص الحب الفاشلة والخيانة وإللى مثلت على دة وعلى دة


* طيـب وإيه إللى خلا نظرة كتير من الشـباب دلوقتى على إن البنات فاكهة ياكلها وبعدين يلاقى فاكهة غيرها ؟؟

من غير البنات فى الدنيا دى والله الشباب ماهيبقا ليها لازمة فى الحيـاة

مش عشان لا حـب ولا جـواز ولا كـلام من دة

عشـان الست بالنسبة للراجل ... الإطمئنان

الست بالنسبة للراجل ... مفتـاح قلبه ليها هى وبـس

الست بالنسبة للراجل ... كنـز أسراره وأى حاجة تخصه


* على فكرة مش أنا إللى بقول ... دة رأى أى شـاب نفسه يحـب

مافيش شـاب دلوقتى يحبذ إن يحكى أسراره كلها لصحبه ... عشان ميشعرش بالضعف أدام صحبه دة حتى لو كان حبيبه الروح بالروح

وأتحـدى أى حـد يقول غيـر كـدة ... وإن كان فى نسبة قليلة هتعارضنى وتقول لأ أنا مش معاكى إن إحتياج الشاب للبنت ضرورى عشان إللى قولتيه دة

بس هى دى الحقيقة ومانقدرش نهرب منها

نفس القصـة .. البنات تتمنى إن يكون محتوى حياتها كله فى شخـص واحــد فقط لا غير


* طيـــب .. ليه بنعامل البنات على أساس إنها شخص أى كـلام

الولد يمشى فى أى حتة سواء شـارع أو فى الجامعة... أول ميشوف بنت حلوة يقول


" ياااه مزة أووى البنت دى "

" إلعـــب ع الحــلاوة"

" البنت دى عايز أظبطها"


* أظبطــــــــها ؟؟؟؟ !! يالهوى على دى كلمة فعلا هى خلاص البنات وصلت للمكانة دى


أنا مش هكلم أكتر من كـدة هفتح لكو مجال النقاش عشان تقولولى رأيكم فى نظـرة معظم الشـباب للبنات

وليه بناتنا الحلوين إللى مابقوش كتير دلوقتى خلوا الشباب يقولو علينا كـدة

عشان اللبس؟؟

عشان المكياج ؟؟

طب ماطول عمر البنات بتلبس الوحش والكويس .. دة حتى زمان ماكنش فيه حجاب

دة زمان كان النظام فى اللبس أحقر من إللى بنشوفو دلوقتى


إللى مش مصدق يشوف أفــلام ميرفت أمين ونجلاء فتحى وسهير رمزى

فى السبعينات وغيرهم وغيرهم وغيرهم




* خــــــــلاص كـدة

عـاوزة مناقشة من نـــــــار يا معلمين

نسيتى يا رنا اهم ممثلة فى حيات الشباب سعاد حسنى يا مين بس يدلنى على اللى قتلها وانا اظبطوا هههههههههههههههههههههههههههههههههههههههههههههههههه

مشــــــــــــــــــــكورهـ